រូបភាពអាពាហ៍ពិពាហ៍កំឡោះក្រមុំមួយគូរ ទទួលបានការចាប់អារម្មណ៍ខ្លាំង នៅក្នុងបណ្ដាញសង្គម Faccebook

ភ្នំពេញ៖ រូបភាពកំឡោះក្រមុំមួយគូរ រៀបអាពាហ៍ពិពាហ៍ កាលពីថ្ងៃទី០៤ ខែមេសា ឆ្នាំ២០១៤ កន្លង​ទៅ​​​នេះ ត្រូវបានគេដាក់បង្ហោះក្នុងបណ្តាញទំនាក់ទំនងសង្គមហ្វេសប៊ុក ហើយរូប​ភាព​គូរស្វាមី​ភរិយា​​​ថ្មី ជិះគោយន្តទៅកំសាន្ត និងទៅផ្តិតរូបអនុស្សារីយ៍ ចំនួន០៣សន្លឹក ទទួលបានការ​ចាប់​អារម្ម​ណ៍​​និងគាំទ្រយ៉ាងខ្លាំង ពីក្រុមអ្នកលេងហ្វេសប៊ុក។

រូប​ភាព​អាពាហ៍ពិពាហ៍នេះ ត្រូវបានគេបង្ហោះតគ្នាក្នុងពិភពអ៊ិនធើណេត  ។ រូបភាពនេះ គេមិ​ន​ដឹង​ថា ថតនៅខេត្តណាទេ គ្រាន់តែដឹងថា ជារូបថតកូនខ្មែរ ដែលថតនៅទីជនបទ ក្នុងស្រុកមួយ នៅ​តាម​​​ទីរួមខេត្ត នៃប្រទេសកម្ពុជា។

ស្ថិត​ក្នុ​ងទឹកមុខ ពោពេញទៅដោយស្នាមញញឹម របស់គូរស្វាមីមួយគូរនេះ ដែលស្ថិតនៅ​លើ​គោ​យន្ត​ក​ន្ត្រៃ តុបតែងលម្អដោយផ្កាយ៉ាងស្រស់បំព្រង និងអ្នកកំដរប្រុស ស្រី ស្អាតៗ ធ្វើឲ្យ​ស្រទាប់​យុវវ័យក្នុងព្រះរាជាណាចក្រកម្ពុជា ពិសេសអ្នកដែលនិយមលេងហ្វេសប៊ុក ក៏ប្រាថ្នាចង់រស់នៅ​ជាមួយមនុស្សដែលខ្លួនស្រលាញ់អស់មួយជិវិត បើទោះបីជាស្ថិតក្នុងជីវភាពសាមញ្ញ័ គ្មានទ្រព្យ​សម្បត្តិ​ហូរហ៊ាក៏ដោយ ឲ្យតែមានសុភមង្គល៕

ដោយ ប៊ុន សំណាង កញ្ញាស្រីនិច្ច និង ចរិយា